2013, ഏപ്രിൽ 30, ചൊവ്വാഴ്ച

ഉബുണ്ടു 13.04 ഉം സ്കൈപ്പും

പുതുതായി ഇൻസ്റ്റാൾ ചെയ്ത ഉബുണ്ടു 13.04 64-ബിറ്റ് രാരീരം രാരിച്ചനിൽ സ്കൈപ്പ് ഇൻസ്റ്റാൾ ചെയ്തു. പക്ഷെ അത് പ്രവർത്തിക്കുന്നുണ്ടായിരുന്നില്ല. സ്കൈപ്പിന്റെ സൈറ്റിൽ നിന്നും ഏറ്റവും പുതിയ പതിപ്പ് (4.1.0.20)  ഡൗൺലോഡ് ചെയ്തെടുത്തതായിരുന്നു. അവിടെ ഉബുണ്ടു 12.04 ന് വേണ്ടിയുള്ളതാണുള്ളത്. അതല്ലാതെ ഒരോന്നിനും വെവ്വേറെ ഇറക്കാൻ സ്കൈപ്പ് മൊതലാളി മൈക്രോസോഫ്റ്റ് മെനക്കെടുമെന്ന് തോന്നുന്നില്ല.

അതൊക്കെ പോട്ടെ, പറഞ്ഞുവന്നത് സ്കൈപ്പ് പ്രവർത്തിക്കുന്നില്ലെന്നതിനെ പറ്റിയാണ്.  അങ്ങനെ തിരഞ്ഞ് വന്നപ്പൊ ബഗ്ഗ് റിപ്പോർട്ട് ശ്രദ്ധയിൽപ്പെട്ടു. അതിലെ അഞ്ചാം കമന്റിൽ ദിമിത്രി പങ്ക്രത്തോവ് പറഞ്ഞ പരിപാടി ചെയ്തപ്പോൽ പ്രവർത്തിക്കുന്നുണ്ട്!

പക്ഷെ അത്അതേപടി ചെയ്താൽ മെനുവഴി സ്കൈപ്പ് തുറക്കുന്നത് നടക്കില്ല. അല്ലെങ്കിൽ മെനുവൊക്കെ മാറ്റേണ്ടി വരും. നിങ്ങളുടെ സിസ്റ്റത്തിലും ഇതുപോലെ സ്കൈപ്പ് ഉടക്കുകയാണെങ്കിൽ താഴെ പറയുന്ന കാര്യം ചെയ്താൽ മതിയാകും.

നിങ്ങളുടെ ഹോം ഡയറക്ടറിയിലെ 'bin' ഡയറക്ടറിക്കകത്ത് 'skype' എന്ന പേരിൽ ഒരു ടെക്സ്റ്റ് ഫയൽ ഉണ്ടാക്കി താഴെ തന്നിരിക്കുന്നത് അതിലേക്ക് സേവ് ചെയ്യുക:

#!/bin/sh
export LD_PRELOAD=/usr/lib/i386-linux-gnu/mesa/libGL.so.1
exec /usr/bin/skype

പിന്നീട് ആ ഫയലിനെ എക്സിക്യൂട്ടബിൾ ആക്കുക. ദാറ്റ്സിറ്റ്!

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ

Creative Commons License
എന്റുബുണ്ടു (entubuntu.blogspot.com) ക്രിയേറ്റീവ് കോമൺസ് ആട്രിബ്യൂഷൻ ഷെയർ-എലൈക് അൺപോർട്ടട് അനുമതി പ്രകാരം ഉപയോഗിക്കാം.